Mbështetësit e ish-presidentit brazilian të ekstremit të djathtë, Jair Bolsonaro kanë sulmuar Kongresin kombëtare dhe Gjykatën e Lartë, në kryeqytetin Brasilia.
Videot që qarkullojnë në mediat sociale treguan mbështetësit e Bolsonaro duke thyer dritaret dhe mobiljet e ndërtesave të Kongresit kombëtar dhe Gjykatës së Lartë këtë të diel.
Imazhet e transmetuara nga mediat braziliane, tregonin protestuesit brenda pallatit presidencial, ku shumë prej tyre ishin të veshur me ngjyrat e flamurit, jeshile dhe të verdhë, ngjyra që gjithashtu simbolizojnë qeverinë Bolsonaro.
Forcat e sigurisë përdorën gaz lotsjellës në një përpjekje të dështuar në dukje për të zmbrapsur demonstruesit. Mediat lokale vlerësojnë se rreth 3,000 njerëz janë përfshirë në incident.
Duke raportuar nga Rio de Zhaneiro, Monica Yanakiew e gazetarja e Al Jazeera, tha se mbështetësit e Bolsonaros kanë qenë të pozicionuar në Brasilia që nga humbja e zgjedhjeve të ish-presidentit, kandidatit të krahut të majtë, Luiz Inacio Lula da Silva në fund të tetorit.
“Njerëzit nga ky kamp dhe nga pjesët e tjera marshuan drejt sheshit në Brasilia, i quajtur sheshi i Tre Fuqive, sepse në të njëjtin shesh ndodhet Kongresin, pallatin presidencial dhe Gjykatën e Lartë dhe ata kanë hyrë në të tre ndërtesa. Ata hynë brenda Gjykatës së Lartë, të cilën ata e konsiderojnë si armikun e tyre kryesor, sepse ata thonë se Gjykata e Lartë është e njëanshme dhe njohën një zgjedhje që ata thonë se janë të vjedhura,” tha Yanakiew.
Ajo shtoi se ngjarja ndodhi të dielën, kur ligjvënësit, gjyqtarët dhe zyrtarë të tjerë nuk ishin në punë. Rrethimi i sotëm kujtoi pushtimin e 6 janarit të Kapitolit të SHBA nga mbështetësit e ish-presidentit Donald Trump, të cilët ashtu si mbështetësit e Bolsonaro-s, gjithashtu pretenduan pa prova se zgjedhjet presidenciale të 2020-ës në SHBA ishin “vjedhur”.
Mbështetësit e Bolsonaros kanë bllokuar rrugët, kanë djegur automjetet dhe janë mbledhur jashtë ndërtesave ushtarake, duke kërkuar nga forcat e armatosura të ndërhyjnë, që nga fitorja e Lulës.
Në Twitter, Ministri i Drejtësisë i Brazilit Flavio Dino tha se kjo përpjekje absurde për të imponuar vullnetin e tyre me forcë nuk do të mbizotërojë.
“Qeveria e Qarkut Federal ka siguruar që do të ketë përforcime. Dhe forcat që kemi në dispozicion janë në punë”, tha ai.
Video në mediat sociale treguan gjithashtu forcat e sigurisë duke formuar një barrierë me mburojat e tyre ndërsa lëviznin drejt ndërtesave.
Presidenti i Senatit, Rodrigo Pacheco tha se ishte në kontakt të përhershëm me guvernatorin e Brasilias, Ibaneis Rocha dhe se i gjithë aparati policor ishte mobilizuar për të kontrolluar situatën.
Nga ana e tij, Bolsonaro u largua nga Brazili në fund të vitit dhe udhëtoi për në Florida, shteti amerikan ku banon tani ish presidenti Donald Trump.
Ndërkohë, presidenti Lula ishte në Sao Paulo për fundjavën në një udhëtimi në brendësi të shtetit. Partia e tij e Punëtorëve i kërkoi zyrës së prokurorit më të lartë publik të urdhëronte forcat e sigurisë publike të vepronin në frenimin e demonstruesve.
