Sektori i Hetimeve të Kryeqytetit, me autorizim të Prokurorisë kompetente, ka kërkuar ndihmën e qytetarëve për identifikimin e një personi të dyshuar për përfshirje në veprën penale “Ngacmim seksual”, përcjell KosovaPost.
Policia ka publikuar fotografinë e personit dhe u ka bërë thirrje qytetarëve që, nëse kanë ndonjë informacion që mund të ndihmojë në identifikimin e tij, ta raportojnë në organet kompetente.
Informacionet mund të dërgohen në numrin e Policisë së Kosovës 192, ndërsa policia ka kërkuar nga qytetarët që të bashkëpunojnë me institucionet për zbardhjen e rastit.
Çdo informacion që mund të çojë në identifikimin e personit mund të jetë i rëndësishëm për hetimin.
