Ministri në detyrë i Financave, Hekuran Murati ka thënë se të martën opozita ka bërë gabim trashanik që votoi kundër mandateve të veta në seancën konstituive,përcjell KosovaPost.
Me anë të një postimi në Facebook, Murati shkroi se tani opozita po kërkon që Qeveria të braktisë institucionet në mënyrë që ata të korrigjojnë gabimet e veta.
Sipas tij, kjo është absurde.
“Opozita bëri gabim trashanik kur pardje votoi kundër mandateve të veta. Tash po kërkojnë që qeveria të braktisë institucionet, në mënyrë që ata të korrigjojnë gabimin e vet dhe të pranojnë mandatin e deputetit. Edhe në konsultimin e ftuar nga Kryesuesi i Seancës refuzuan që të dakordohen për rrugën përpara që do të zhbllokonte procesin. Kjo është absurde”, ka shkruar Murati.
