Komisioni Qendror i Zgjedhjeve ka bërë të ditur se Ligji për Zgjedhjet e Përgjithshme, i miratuar në vitin 2023 ka bërë disa ndryshime lidhur me votimin me kusht në zgjedhjet që do të mbahen më 9 shkurt 2025.
Sipas KQZ-së, ky lloj votimi është i mundur sërish, por nuk do të lejohet në çdo qendër votimi ashtu siç ishte në proceset e kaluara zgjedhore.
Ky ndryshim i Ligjit për Zgjedhjet e Përgjithshme sot është prezantuar me anë të një videomesazhi nga zëdhënësi i KQZ-së, Valmir Elezi.
“Në zgjedhjet e radhës për Kuvendin e Kosovës, KQZ do të caktojë Qendrat për Votim me Kusht. Lista e tyre do të publikohet në ueb faqen e KQZ-së dhe mjetet tjera të informimit”, ka thënë Elezi.
