Drejtori i emergjencave në komunën e Prishtinës Lulzim Fushtica, bëri të ditur se Policia e Kosovës tashmë ka themeluar drejtorinë për policinë e kryeqytetit dhe se projekti për krijimin e këtij njësiti është në fazën përfundimtare.
“Ka mbetur vetëm lokacioni çdo gjë tjetër është përfundu Policia e Kosovës e ka formu drejtorinë e kryeqytetit janë nda kapacitetet dhe së shpejti do të zyrtarizohet..”, Fushtica për rtv21
Rreth 600 policë, pritet ta përbëjnë njësitin e veçantë për të shërbyer në Prishtinë. Policia e kryëeqytetit do të ketë hetues, njësi patrulluese, njësi të reagimit të shpejtë dhe njësite të tjera përcjellëse. Qytetarët e mirëpresin këtë vendim të institucioneve të sigurisë.
“ Po çdo kryeqytet e ka policinë e vet është shumë e nevojshme edhe Prishtina që ta ketë sepse këtu vijnë njerëz prej të gjitha anëve andaj është shumë e rëndësishme që të jetë policia e kryeqytetit
“Po normal që do duhej të ishte policia e kryeqytetit …”
Në kuadër të planit për Policinë e kryeqytetit, e paraparë të formohet që në vitin 2018 pas miratimit të ligjit për Prishtinën, sipas drejtorit të emergjencave, Lulzim Fushtica, thotë se është edhe vendosja e kamerave të sigurisë nëpër gjithë kryeqytetin.
“Tashmë veç se janë vendosur një pjesë e kamarave dhe do të vendosen në gjtihë kryeqytetin ato tashmë kanë dhënë rezultatet e veta dhe këto kamera monitorimi i tyre qendrën do ta ketë në stacionin policor të kryeqytetit”, tha Fushtica.
Njohësi çështjeve të sigurisë, Bedri Elezi, thotë se krijimi i njësitit policor për kryeqytetin do të lehtësojë punën e policisë së Kosovës krahas organizimit rajonal.
“Me policinë e kryeqytetit organizohet edhe siguria publike sidomos në vendet ku mendohet që është e nevojshme prezenca apo patrollat policore dhe do të lehtësohej veprimi i policisë së Kosovës…”, tha Fushtica.
Edhepse siguria publike në Kosovë është cenuar herë pas here, raporti i vitit 2023, i kompanisë amerikane Gallup e ka renditur Kosovën në top 24 shtetet më të sigurta në botë.
