Emin Hoxhaj është emëruar drejtor i Agjencisë për Mbrojtjen e Informacionit të Klasifikuar, ka njoftuar të hënën Zyra për Komunikim Publik.
Hoxhaj është emëruar nga kryeministri Albin Kurti, derisa u tha se ai ka qenë pjesë e Policisë së Kosovës nga viti 2001.
“Ish-pjesëtar i Ushtrisë Çlirimtare të Kosovës, z. Hoxhaj ka qenë pjesë e Policisë së Kosovës nga viti 2001, duke shërbyer në kapacitete të ndryshme, përfshirë si Shef i Njësisë së Hetimeve të Krimeve Ekonomike dhe Korrupsionit dhe tash së fundmi si Shef i Njësisë së Hetimeve të Përgjithshme në Gjakovë”, thuhet në njoftimin e ZKM-së.
Ai ka përfunduar studimet në Fakultetin Juridik, në Universitetin e Prishtinës.
Njoftimi i plotë:
Kryeministri i Republikës së Kosovës, Albin Kurti, ka emëruar sot Emin Hoxhajn, Drejtor të Agjencisë për Mbrojtjen e Informacionit të Klasifikuar.
Ish-pjesëtar i Ushtrisë Çlirimtare të Kosovës, z. Hoxhaj ka qenë pjesë e Policisë së Kosovës nga viti 2001, duke shërbyer në kapacitete të ndryshme, përfshirë si Shef i Njësisë së Hetimeve të Krimeve Ekonomike dhe Korrupsionit dhe tash së fundmi si Shef i Njësisë së Hetimeve të Përgjithshme në Gjakovë.
Ai ka përfunduar studimet në Fakultetin Juridik, në Universitetin e Prishtinës.
