Kryeministri i Kosovës, Albin Kurti, ka reaguar pas fitores së Kombëtares së Kosovës ndaj Irlandës në “Fadil Vokrri”.
Kosova triumfoi 1-0 në ndeshjen hapëse të edicionit të ri të Ligës së Kombeve, me golin e Vedat Muriqit në minutën e 83-të.
Kurti e ka vlerësuar lart paraqitjen e “Dardanëve”, duke thënë se rezultati mund të kishte qenë edhe më i thellë nëse Kosova do të kishte pasur më shumë fat në finalizim.
“Pak më shumë fat në fluturimin e topit dhe rezultati do të ishte 5:1 në vend se 1:0”, ka shkruar Kurti.
Ai uroi futbollistët e Kosovës dhe të gjithë shqiptarët për këtë fitore, duke e cilësuar paraqitjen e Kombëtares si të shkëlqyeshme.
“Urime futbollistëve të Kosovës dhe gjithë shqiptarëve për fitoren në këtë ndeshje të rëndësishme me Irlandën! Lojë e shkëlqyeshme sonte në stadiumin ‘Fadil Vokrri’ në kryeqytet. Gëzuar!”, ka deklaruar Kurti.
