Kryeministri i Kosovës, Albin Kurti, në ditën e dytë të Samitit të Ballkanit Perëndimor kundër Diskriminimit Racor që po mbahet në Prishtinë u zotua në emër të qeverisë për t’u përballur me diskriminimin racor, për të mposhtur racizmin e për ta luftuar pabarazinë.
Kurti theksoi se që nga fillimi i qeverisjes kanë vendosur prioritet dhe vizion për drejtësi për të gjithë pa dallim.
Derisa sipas tij, për t’i trajtuar rastet e diskriminimit duhet të bëhet aty ku më së shumti është i pranishëm.
“Ne jemi sot këtu për të së bashku me zotimin për tu përballur e diskriminim racor për të mposhtur racizmine për ta luftuar pabarazinë. Që nga fillimi i qeverisjes sonë kemi vendosur prioritetin dhe vizionin tonë për drejtësi për të gjithë pa dallim. Për të ruajtur bashkësinë, ne duhet ta luftojmë diskriminimin e për të trajtuar rastet e diskriminimit duhet ta bëjmë aty ku më së shumti është i pranishëm”, ka thënë Kurti.
Ai ka folur, mes tjerash, edhe për të drejtat e komuniteteve romë e ashaklinj, për të cilët tha se më 2022 është miratuar një strategji e parë, ku lufta kundër diskriminimit përfshihet si komponente në vetvete.
“Strategjia jonë për avancimin e të drejtave të komuniteteve rom dhe askalinj e cila është miratuar në citin 2022 është strategjia e parë ku lufta kundër diskriminimit përfshihet si komponente në vetvete”, shtoi Kurti.
