Shefja e Grupit Parlamentar të Lëvizjes Vetëvendosje, Mimoza Kusari-Lila ka uruar Kroacinë për hyrjen e saj në Schengen dhe Eurozonë, derisa ka akuzuar Serbinë për stagnim në mendësi.
Lila ka thënë se suksesi i Kroacisë është model frymëzimi edhe për vendet e tjera të Ballkanit Perëndimor.
Më tej ajo ka rikujtuar se Kroacia vetëm 30 vitë më parë është sulmuar brutalisht nga Serbia.
“Me urimet më të përzemërta për Vitin e Ri, ju përgëzoj për hyrjen në zonën Euro & Shengen! Suksesi juaj në rrugën e integrimit është frymëzim dhe model për të gjitha vendet e BB! Vetëm 30 vjet më parë vendi juaj u sulmua brutalisht nga Serbia”, ka shkruar Kusari Lila në llogarinë e saj në Twitter.
