Ylli francez i futbollit i ekipit Paris Saint-Germain, Kylian Mbappe, u zotua se do të bëjë më të mirën për të ndihmuar viktimat e tërmetit në Türkiye, transmeton Kosova Post.
“Një tragjedi e madhe në Türkiye. Komuniteti i futbollit të botës do të mblidhet dhe do të mbështesë Türkiyen. Kjo ndihmë është e rëndësishme për mua. Një detyrë e jashtëzakonshme”, tha ai në një ngjarje transmetuar për mbledhjen e donacioneve për të mbijetuarit e dy tërmeteve që ndodhën në fillim të muajit të kaluar.
“Së pari, sigurisht që ëndrrat e njerëzve dhe të fëmijëve janë shumë të rëndësishme. Mendoj se mund të rifitojmë buzëqeshjen e shumë fëmijëve”, tha Mbappe, duke shprehur krenarinë e tij që ishte pjesë e fushatës për mbledhjen e fondeve.
Ai foli për fushatën e ndihmës “sup më sup”, e transmetuar drejtpërdrejt në shumë kanale sportive nën organizim nga Ministria e Rinisë dhe Sporteve e Türkiyes, Federata Turke e Futbollit, Fondacioni i Shoqatës së Klubeve të Superligës dhe beIN Media Group.
Përveç kanaleve televizive të lidhura me beIN, programi u transmetua drejtpërdrejt nga transmetuesit turk A Sport, Sportstv, D Smart Sport, S Sport, Tivibu Sports, TRT Spor, TV8 dhe Club, si dhe TRT Radio, Radio Gol, Radyospor dhe Lig Radyo, si dhe shumë kanale të mediave digjitale.
Më shumë se 45.000 njerëz kanë humbur jetën në tërmetet me magnitudë 7,7 dhe 7,6 ballë, që goditën 11 provinca të Türkiyes më 6 shkurt./aa
