Pasi siguroi kualifikimin për në finalen e Champions League, Luis Enrique po shijon fitoren e dyfishtë kundër Arsenalit dhe tashmë e ka mendjen te ndeshja e fundit e turneut kundër Interit. Trajneri i PSG-së, për Sky Sport, e komentoi kështu sfidën në “Parc des Princes”:
“Para së gjithash, ishte një ndeshje e çuditshme, ndryshe, sepse ata u përpoqën të luanin shumë me goditje standarde, ndërsa ne u mbrojtëm mirë dhe arritëm të shënonim golin e parë në kundërsulm. Donnarumma? Ashtu si në ndeshjen e parë, ishte fantastik, i madhërishëm. Skuadra jonë është ndërtuar për të sulmuar dhe ne mbrohemi shumë larg portës, ndaj të kesh një portier si ai është thelbësore. Kemi për objektiv të shkruajmë historinë në Paris, dhe për ta bërë këtë duhet të fitojmë Champions League.”
Achraf Hakimi: “Jemi shumë të lumtur, kemi punuar shumë për këtë moment. Jemi si një familje. Finalja kundër Interit do të jetë speciale për mua. Do të luajmë me shumë motivim sepse Interi është një skuadër e madhe, por tani po shijojmë momentin.”
Kvaratskhelia: “Jam shumë i lumtur, për mua të jem në finale është një ëndërr. Interi është një nga skuadrat më të mira në botë dhe e respektojmë, por edhe ne jemi të tillë. E meritojmë ta fitojmë Championsin.”
Gianluigi Donnarumma: “Jam shumë i emocionuar që do të luaj sërish një finale dhe do të takoj miqtë e mi të vjetër nga kombëtarja. Nuk ka qenë e lehtë përshtatja në Paris, por tani ndiej dashurinë e të gjithëve. Kam bërë një pritje të bukur ndaj Odegaard dhe po përmirësohem. Sommer ishte fantastik dje. Kam edhe një vit kontratë, rinovimi është çështje kohe. Pas largimit të Mbappé-së, kemi më shumë shpirt skuadre dhe kjo na bën më të fortë.”s.n.
