Ministri i Mbrojtjes në detyrë, Ejup Maqedonci ka marrë pjesë në Forumin e Sigurisë së Halifaxhit, të mbajtur në Taipei të Tajvanit.
Maqedonci mori pjesë në panelin “Partneriteti = Demokracia”, ku diskutoi së bashku me dr. Tamara Wittes, Presidente e “National Democratic Institute”, dhe Jack McCain nga “McCain Institute” mbi mjedisin global të sigurisë, kërcënimet ndaj vlerave demokratike dhe rrugët për fuqizimin e partneritetit ndërmjet vendeve demokratike të botës.
“Ne kemi arritur shumë në ndërtimin e një demokracie funksionale dhe të qëndrueshme në Kosovë. Kjo është falë mbështetjes së partnerëve tanë ndërkombëtarë, të cilët na kanë ndihmuar në çdo hap të rrugës. Kjo mbështetje është vendimtare për ruajtjen e vlerave demokratike dhe përballimin e kërcënimeve ndaj tyre”, tha ministri Maqedonci.
