Pas sulmit terrorit në Banjskë, trupat e KFOR-it e kanë rritur gatishmërinë dhe numrin e trupave në Kosovës.
NATO në një deklaratë për media thotë se trupat shtesë nga Rumania përforcojnë misioni paqeruajtës në Kosovë.
“Më shumë se 130 trupa shtesë nga Rumania mbërritën në Kosovë të premten (13 tetor 2023) për të përforcuar më tej misionin paqeruajtës të NATO-s në Kosovë (KFOR), përveç dyqind ushtarëve britanikë të dislokuar në fillim të këtij muaji. Vendosja e këtyre trupave shtesë vjen pas sulmit të dhunshëm ndaj Policisë së Kosovës më 24 shtator dhe rritjes së tensioneve në rajon.
Këto dislokime janë një hap i kujdesshëm për të siguruar që KFOR-i të ketë forcat që i nevojiten për të përmbushur mandatin e tij të OKB-së për të ruajtur një mjedis të sigurt dhe lirinë e lëvizjes për të gjithë njerëzit në Kosovë. Ato bazohen në një kërkesë të Komandantit Suprem të Aleatëve të NATO-s për Evropë dhe u miratuan nga Aleatët në Këshillin e Atlantikut të Veriut”, thuhet në njoftim.
Forcat rumune vijnë në Kosovë pas 200 trupave shtesë britanike të cilat kanë ardhur në fillim të këtij muaji.
KFOR-i aktualisht përbëhet nga mbi 4,500 trupa të kontribuar nga 27 aleatë dhe partnerë të NATO-s.
