Ish-kancelarja gjermane Angela Merkel në një deklaratë të rrallë ka kritikuar drejtpërdrejt pasardhësin e saj si lider i CDU/CSU, Friedrich Merz, për miratimin e propozimeve me ndikim të gjerë për migracionin dhe azilin me mbështetjen e së djathtës ekstreme.
Ajo tha se Merz ishte “gabim që nuk ndihej më i detyruar” nga një marrëveshje politike për të mos paraqitur propozime që mund të kryheshin me mbështetjen e Alternative für Deutschland (AfD), raporton The Guardian.
Ajo tha se “është e nevojshme që të gjitha partitë demokratike të punojnë së bashku përtej kufijve politikë partiakë … dhe në bazë të ligjit europian të zbatueshëm” për të bërë gjithçka që duhet për të parandaluar sulme të mëtejshme si ato në Magdeburg dhe Aschaffenburg , transmeton Gazeta Express.Merkel kritikohet shpesh për trashëgiminë e saj në çështjet e migracionit pas vendimit të saj për të hapur kufijtë gjermanë dhe për të pranuar azilkërkues.
