Shkruan: Fadil Pushkolli
Prioritet i politikave shtetërore mbetet mbetet Forca e Sigurisë së Kosovës me synim rriten, fuqizimin profesionalizmin në nivelin e ushtrive të fuqishme me standarde të avacuara në fushën e mbrojtjes dhe sigurisë. Dhe me tempon e filluar FSK shumë shpejtë do të zë vendin meritor krahas forcave mbrojtëse të vendeve të zhvilluara, shkruan Kosova Post.
Zhvillimi profesional, pajisja me mjete logjistike, gradualisht edhe armatimi të sofistikuar padyshim se është qëllimi bazë i programit qeveritar e ministror.
Fokusi i ministrit të Ministrisë së Mbrojtjes, Armend Mehaj mbetet tek fuqizimi i Forcës së Sigurisë përveç në aspektin profesional e logjistik, gjithnjë në bashkëpunim me partnerët strategjik ndëkombëtar mëton edhe forcimin e FSK-së edhe në aspektin luftarak.
Prandaj për projektet afatshkurtëra e afatgjata në fushën e mbrojtjes dhe sigurisë, programet stërvitore të pjesëtarëve të FSK-së, projektet e fuqizimit ushtarak për Kosova Post flet ministri Mehaj i cili me modesti thotë se “nuk do lodhem asnjëherë për të punuar dhe fuqizuar shtetin në fushën e siguruar dhe mbrojtjes, sepse vetëm kështu do përmbushim amanetin e brezave të tërë që u angazhuan, luftuan e dhanë jetën për lirinë e pavarësinë e vendit”.
Prandaj ministri Mehaj pa u ndalur kërkon partnerë në trajnimin e pjesëtarëve të FSK-së, edukimin dhe avancimin profesional të tyre.
Ndërsa përmend projektet, për trajnimet profesionale, por edhe projektin afatgjatë për armatimin e FSK-së, ministri Mehaj vazhdon me këmbëngulësi mbështetjen e partnerëve strategjik në arritjen e synimeve dhe kjo mbështetje nuk ka munguar as edhe një herë deri tani.
Ministri ndjehet krenar për rriten e profesionalizimin e FSK-së, ndërsa shprehet se gjithë zhvillimi i FSK-së është puna e përkushtimi i pjesëtarëve që të arrijnë standardet e ushtrive të shteteve të fuqishme, gjithsesi thotë ai kjo rritje është bërë edhe falë projekteve të përbashkëta trajnuese e shkollim e pjesëtarëve të FSK-së në akademitë më të njohura ushtarake të partnerëve strategjik të Kosovës.
Prej marrjes së detyrës, ministri Mehaj është angazhuar dhe ka arritur të zgjeroj bashkëpunim me shtete mike të Kosovës.
Nëse shikohet se çfarë është bërë që dy dekada, shihet qartë se është punuar mjaft, mirëpo nëse merret për bazë amaneti i heronjve, ka shumë punë për të bërë dhe duhet të punojmë natë e ditë, sepse gjaku i dëshmorëve duhet të na jep mesazhin se si duhet të ruajmë e kultivojmë frytet e luftës dhe sakrificës së mijëra të rënëve për lirinë e Kosovës.
Avancimi profesional i pjesëtarëve të Ushtrisë së Republikës së Kosovës përbën njërin ndër synimet më të rëndësishme të ministrisë së mbrojtjes, andaj përgjatë këtyre 19 muajve është investuar maksimalisht në financimin e trajnimeve të ushtarakëve tanë përkrah ushtrive të shteteve më të fuqishme aleate.
Padyshim seky bashkëpunim me partnerët strategjik në fushën e trajnimeve kontribuon në përmbushjen e vizionit për anëtarësim të Kosovës në NATO.
Ministri Mehaj, ishte i palodhshëm në rritjen e bashkëpunimit me shtet e fuqishme, ndërsa përtej aftësimit profesional kishte synim edhe pajisjen me mjete logjistike por edhe armatim.
Ndoshta ishte një ëndërr më e largët pajisja e FSK-së me Dronë, por ishte angazhim i pandalshëm i ministrit Mehaj që këtë pajisje moderne ushtarake ta ketë në posedim ushtria e Kosovës dhe ky angazhim nuk i shkoi kot, sepse ai me mirëbesim e mbështetjen e partnerëve arriti të siguroi Dronët e parë.
Kështu ai tashmë ka bërë edhe kontrata e para për furnizim të FSK-së me Dronë, mjete ky i cili i takon sistemit më modern luftarak.
Kështu falë punës së palodhshme, por edhe dëshirës së partnerëve strategjik të vendit për të qenë mbështetës të avancimit në fushën e sigurisë dhe mbrojtjes për FSK-në, ky institucion i sigurisë së vendit tani ka pajisjet ushtarake, Dronët të cilët ndihmojnë mbrojtjen dhe sigurinë e sofistikuar derisa janë sisteme të vëzhgimit dhe zbulimit.
Duke folur për punën rreth sigurisë së vendit, nuk mundemi të mos e përmendim rolin dhe angazhimin e Mehaj ku përveç Dronëve, tashmë FSK-ja është pajisur edhe me mjetet tjera mbrojtëse falë mbështetjes nga miqtë e partnerët strategjik të Kosovës.
Nuk është për të mos u kujtuar fakti se tani FSK-ja ka edhe sisteme të tjera të mbrojtjes që kapin edhe komponentin e sistemit të mbrojtjes ajrore, sistemin anti-tank dhe kuptohet sistemin konvencional të këmbësorisë dhe artilerisë së lehtë.
Ndryshe, kujtojmë se kohë më parë ishte angazhimi i ministrit që Kosova u furnizua me drone nga shteti mik i Kosovës Turqia.
Kjo mbase ishte edhe një shprehje falënderimi për Forcën e Sigurisë së Kosovës, e cila ishte e para që shkoi në ndihmë Turqisë pas tërmetit i cili mori qindra jetë dhe shkatërroi pothuaj një qytet të tërë. Ishin pjesëtarët e FSK-së që u dërguan me urgjencë nga ministri Mehaj, të cilët edhe u angazhuan maksimalisht për nxjerrjen e qytetarëve të mbetur nën rrënojat e ndërtesave. Për angazhimin profesional dhe punën e palodhshme, pjesëtarët e Forcës së Sigurisë së Kosovës morën edhe mirënjohje nga Republika e Turqisë.
Pra Forca e Sigurisë së Kosovës tashmë është aftësuar mjaftueshëm për t’iu dalë në ndihmë qytetarëve dhe vendit me rastin e fatkeqësive natyrore, por gjithsesi tani është mjaft e përgatitur dhe e gatshme të shkojë në çfarëdo shteti tjetër në rastet emergjente. Se është e trajnuar dhe e profesionalizuar për intervenime në rastet emergjente nga fatkeqësitë e ndryshme natyrore e ka dëshmuar shumë herë duke ndihmuar shtetin e Shqipërisë disa here kur është goditur nga vërshimet, tërmetet ku edhe kanë treguar profesionalizimin për çka edhe kanë marrë kudo mirënjohje për punën dhe angazhimin e pashoq.
