Ministri i Punëve të Brendshme në Republikën e Kosovës, Xhelal Sveçla ka njoftuar se në Zveçan sot janë larguar billbordet ilegale me simbole dhe imazhe të Serbisë.
Sveçla në Facebook ka shpërndarë edhe videon gjatë këtij aksioni, ku shihet së bashku me ministrin e Pushtetit Lokal , Elbert Krasniqi.
Ministri tha se “këto billborde e imazhe të fashistëve e agresorëve si Vladimir Putin dhe kundërshtarëve të shtetit tonë, nuk do të gjejnë vend në shtetin tonë”.
“Republika e Kosovës është e përcaktuar qartë për vlerat demokratike dhe orientimin euro-atlantik të saj ndërkaq si institucione mbesim të përkushtuar për rend e ligj dhe zbatim të kushtetushmërisë në çdo pjesë të vendit tonë”, shkroi ai./teve1.info./
