Ministria e Punëve të Brendshme ka njoftuar se më 24 shtator 2026 do të zhvillohen një sërë aktivitetesh përkujtimore me rastin e trevjetorit të rënies në krye të detyrës të Heroit të Kosovës, Afrim Bunjaku.
Aktivitetet do të nisin në ora 10:00 me vizitë te familja e Heroit Afrim Bunjaku, në fshatin Samadrexhë të Komunës së Vushtrrisë.
Në ora 10:40 do të zhvillohen homazhe te varri i tij, po ashtu në fshatin Samadrexhë.
Më pas, në ora 12:00, në fshatin Banjskë të Komunës së Zveçanit, do të bëhet vendosja e gurthemelit të obeliskut të Heroit të Kosovës, Afrim Bunjaku.
Aktivitetet përkujtimore do të përmbyllen me Akademinë Përkujtimore, e cila do të mbahet në ora 20:00 në Sallën e Kuqe të Pallatit të Rinisë në Prishtinë.
MPB-ja ka bërë të ditur se pjesëmarrja e mediave është e mirëseardhur për pasqyrimin e këtyre aktiviteteve përkujtimore.
