Imazhi i Pavarësisë së Kosovës, obelisku “NEWBORN”, i njohur për shpërndarjen e mesazheve të fuqishme në çdo përvjetor të pavarësisë, sivjet ka zgjedhur të fokusohet në artin e Inteligjencës Artificiale (AI).
Por për të arritur një rezultat, ideatori i këtij obelisku Fisnik Ismaili ka njoftuar se nevojitet një ndihmë më shumë.
“Po na duhet ndihmë! Sivjet NEWBORN i dedikohet AI, por për me e ngjyrosë, hala na duhet dora edhe shpirti i njeriut.”
Ata që janë të talentuar në vizatime dhe kanë vullnet për t’i dhënë qytetit një pamje të re dhe plot ngjyra, mund të bashkohen me ekipin e “NEWBORN”.
“Prandaj, nëse vizaton mirë, ke vullnet me ndihmue edhe do me kontribue në zbukurimin e qytetit, hajde ndihmoji ekipit më të dashtun në botë për me i ngjyrosë edhe do lule që kanë mbetë”, ka shkruar Ismaili.
Për ata që janë të interesuar të ndihmojnë dhe të bëjnë pjesë në këtë iniciativë, mund të kontaktojnë Asaf Ukën në numrin 045665515 për më shumë detaje.
