Komisioni Qendror i Zgjedhjeve (KQZ) ka përditësuar të dhënat lidhur me numërimin e votave me postë, ku deri më tani janë numëruar 25 për qind e tyre.
Sipas rezultateve të deritanishme, Lëvizja Vetëvendosje (VV) kryeson me 69.52 për qind të votave.
Pas saj renditet Lidhja Demokratike e Kosovës (LDK) me 11.28 për qind.
Aleanca për Ardhmërinë e Kosovës (AAK) ka siguruar 9.43 për qind të votave, ndërsa Partia Demokratike e Kosovës (PDK) 8.13 për qind.
Numërimi i votave me postë pritet të vazhdojë edhe në orët/ditët në vijim, ndërsa rezultatet përfundimtare do të bëhen të ditura pas përmbylljes së procesit.
