Fondi i Kombeve të Bashkuara për Fëmijët (UNICEF) njoftoi se rreth 63 për qind e fëmijëve në Somali kanë përjetuar varfëri të rëndë ushqimore në fëmijërinë e hershme, transmeton Anadolu.
UNICEF tha se gjysma e fëmijëve kanë më shumë gjasa të përjetojnë ndonjë formë kërcënuese për jetën nga kequshqyerja.
Në deklaratë thuhet se në mesin e fëmijëve të moshës 6-23 muajsh, vetëm 1 në 5 ushqehen me vezë, peshk ose mish, ndërsa 2 në 3 konsumojnë zero perime ose fruta.
“Varfëria ushqimore e fëmijëve është një çështje serioze në Somali, e cila është komplikuar nga cikli i krizave dhe konflikteve të shkaktuara nga klima,” tha përfaqësuesja e UNICEF-it, Wafaa Saeed, duke shtuar:
“Kjo ndikon tek fëmijët ndaj kequshqyerjes kronike dhe të rëndë. Së bashku me qeverinë dhe partnerët e tjerë, ne duhet të bëjmë më shumë për të përmirësuar sistemin ushqimor për fëmijët e vegjël dhe për t’u mundësuar familjeve të kenë qasje në një shumëllojshmëri të gjerë të ushqimeve të disponueshme në vend, veçanërisht peshkun, mishin, frutat dhe perimet, të cilat aktualisht janë të kufizuara në dietat e tyre”.
Pavarësisht përmirësimeve, goditjet e përsëritura klimatike si thatësirat dhe përmbytjet, konfliktet dhe pasiguria, shpërthimet e sëmundjeve dhe varfëria e përhapur, vazhdojnë të përkeqësojnë nevojat humanitare.
Rreth 4 milionë njerëz përballen me krizë ose pasiguri ushqimore emergjente, ndërsa 1,7 milionë fëmijë përballen me kequshqyerje akute në Somali, duke përfshirë 430.000 të cilët janë në fazë të kequshqyerjes së rëndë në vitin 2024.
Zyra e OKB-së për Koordinimin e Çështjeve Humanitare tha se nevojiten 1.6 miliardë dollarë fonde për Planin e Reagimit Humanitar 2024 (HNRP) në Somali, por vetëm 507 milionë dollarë ishin akumuluar që nga 2 gushti.
Nga 181 milionë fëmijë që jetojnë në varfëri të madhe ushqimore globalisht, 65 për qind banojnë në vetëm 20 shtete, duke përfshirë Somalinë, ku më shumë se 80 për qind e prindërve raportuan se fëmija i tyre nuk kishte qenë në gjendje të hante për një ditë të tërë.
Sipas UNICEF-it, rreth 64 milionë fëmijë të prekur nga varfëria janë në Azinë Jugore dhe 59 milionë janë në Afrikën Sub-Sahariane. Somalia është në krye të kësaj liste s ai përket Afrikës Lindore dhe Jugore.
