Të Premten në Kosovë parashihet të kemi mot me vranësira të ndryshueshme të cilat pritet të tërhiqen orëve të pasdites dhe mbrëmjes.
Do të fryjnë erëra nga veriperëndimi sidomos në Rrafshin e Kosovës, ndërsa pasdite vonë ato pritet të ndryshojnë drejtim nga dhe të fryjnë nga jugperëndimi. Temperatura minimale mund të zbres deri në -2 gradë Celsius, kurse ajo maksimale pritet të arrijë deri në 15 apo 16 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Premten pritet të mbajë mot me intervale të gjata kohore me diell dhe vranësira të cilat do të jenë më të theksuara në mesdite dhe atë vetëm në disa rajone. Pasdite dhe në mbrëmje kthjellim i motit në tërë rajonin. Temperaturat do të shënojnë rritje.
Të Shtunën edhe një front i ftohtë ajror me ulje të temperaturave dhe reshje lokale shiu. Prapë do të ketë erëra nganjëherë të fuqishme kësaj radhe direkt nga veriu. Në viset e larta malore reshje lokale bore.
Të dielën përmirësim substancial i motit me intervale të gjata kohore me diell dhe rritje të temperaturave në Kosovë të paktën deri në 20 gradë Celsius.
Fillimi i javës së re i ngrohtë, por me mundësi për rrebeshe lokale shiu sidomos të Martën.
