Presidentja e Kosovës, Vjosa Osmani ka nisur vizitën zyrtare në Iowa të Shteteve të Bashkuara të Amerikës.
Kjo është bërë e ditur përmes një njoftimi për media nga zyra e presidentes.
Sipas njoftimit përveç takimit zyrtar me guvernatoren e Iowas, Kim Reynolds, Osmani do të ketë takim edhe me komandantin e Gardës Kombëtare të Iowa-s, gjeneralmajor Stephen E.Osborn.
Po ashtu Osmani do të zhvillojë vizitë në Camp Dodge, kampin që ka një histori të pasur dhe që përdorët si një strukturë stërvitore për divizionet e ushtrisë amerikane.
Në kuadër të vizitës në SHBA, Osmani do të takohet me kryetaret e Des Moines, Norwalk, Fort Dodge, Council Bluffs, Johnston dhe Cedar Fallsit.
Gjatë vizitës, Osmani pritet të ketë një diskutim në Drake University dhe adresim në DMACC.
Po ashtu Osmani do të jetë folëse kryesore në ngjarjen e udhëhequr nga ambasadori Branstad, President i Fondacionit të World Food Prize, ku pritet ta dorëzoj edhe zyrtarisht çmimin e sivjetëm të World Food Prize.
Në fund të kësaj vizite Osmani do të ketë takim me mërgatën në ShBA.
