Ministri i Bujqësisë, Faton Peci ka bërë të ditur se është miratuar marrëveshje ndërkombëtare me Qeverinë Gjermane në vlerë prej 20.2 milionë euro.
Peci njoftoi se implementimi i kësaj marrëveshje fillon nga shtatori i këtij viti, shkruan KosovaPost.
“Implementimi i saj fillon nga shtatori i këtij viti dhe është një mundësi ideale për zhvillim të balancuar të komunitetit e veçanërisht për iniciativat agro-zhvillimore me theks të veçantë, agroturizmin, ekoturizmim, e aktiviteteve bujqësore dhe jo-bujqësore në ferma.”, ka shkruar ministri.
“Vazhdojmë me krijimin e politikave zhvillimore anë e kënd Kosovës, pa dallim etnie, me qëllim të zhvillimit ekonomik të balancuar e të qëndrueshëm, duke filluar nga zonat rurale në veri të vendit.”, shtoi ai.
