Deputeti i zgjedhur nga lista e Vetëvendosjes, Faton Peci, tha se kryetari i Kuvendit i takon Vetëvendosjes dhe kërkoi nga opozita që të votojë emrin e propozuar nga kjo parti me arsyetimin se “është e drejtë ekskluzive” e partisë së parë.
“Jemi në një momentum të ri ku ne kemi bërë përpjekjen e parë për zgjedhjen e kryetarit të Kuvendit. Ekskluzivisht i takon Vetëvendosjes. Opozita të mos e vonojnë vendin për 48 orë në ardhje, i takon Lëvizjes Vetëvendosje dhe në funksion të kësaj në menduam që opozitës i ka kaluar smira dhe xhelozia për humbjen e zgjedhjeve”.
“Në të kundërtën s’ka opsion tjetër dhe nuk mund të shkohet tutje”.
Ai tha se numat për qeverinë i kanë, por thotë se emrin e kryetarit nuk e bëjnë pjesë të marrëveshjeve politike, duke thënë se kjo i takon vetëm Vetëvendosjes.
“Ne do t’i kemi numrat për qeverinë. Kryeparlamentari është e drejtë ekskluzive s’ka nevojë të bëhet pjesë e kalkulimeve”.Ai s’bëri të ditur nëse propozimi tjetër që do të vijë nga Vetëvendosje do të jetë sërish Albulena Haxhiu apo dikush tjetër./Express/
