Një 89 vjecar është vrarë sonte në parkingun e sall3 damash në fshatin Bibaj të Ferizajt.
Burime të gazetës online Reporteri.net bëjnë të ditur se i vrari është familjar i bashkëshortit të Presidentes Vjosa Osmani, Prindon Sadriut.
Ai siç merr vesh Reporteri ka qenë me profesion mësues dhe ishte me prejardhje nga Presheva.
Vrasja dyshohet se është kryer nga një zyrtar i Policisë së Kosovës, i cili është arrestuar dhe ndaluar për 48 orë.
Qazim Reka, zëvendësdrejtor i Policisë në rajonin e Ferizajt, ka bërë të ditur se zyrtari policor i cili dyshohet se e kreu vrasjen në dasmën në Bibaj të Ferizajt është arrestuar.
Vrasja ka ndodhur në sallën e dasmave ‘Fron Pallac’.
“Sot me 16.08.2024 , ne ora 19/25 , në rrugën Engjell Zefi “ në fshatin Bibaj komuna Ferizaj, në parkingun e sallës së dasmave ‘Fron Pallac’ ka ndodhur një vrasje , me të marr informacionin , menjëherë ne vendin e ngjarjes kanë dalë njësi policore reaguese dhe hetuesit , sipas informacioneve fillestare i dyshuari për kryerjen e kësaj vrasje është një zyrtar policor , i cili është arrestuar , ne lidhje me rastin është njoftuar Prokuroria Themelore ne Ferizaj dhe Inspektorati Policor , për informata tjera ju informojmë me raport shtese .”, ka thënë ai për Reporteri.net.
Kushtrim Hodaj, kryeshefi i Inspektoratit të Policisë së Kosovës (IPK), ka konfirmuar se i dyshuari për vrasjen e ndodhur në Ferizaj është një zyrtar policor nga Stacioni Policor i Ferizajt.
Se i dyshuari është Polic e ka konfirmuar edhe kryeshefi i IPK-së, Kushtrim Hodaj.
Ai ka njoftuar se ekipet e IPK-së janë mobilizuar dhe janë nisur për në vendngjarje për të hetuar rastin.
Sipas tij, dyshohet se vrasja është kryer me një armë jo zyrtare.
“Po mund të konfirmojmë se i dyshuari për vrasjen është zyrtar policor nga Stacioni Policor i Ferizajt. Ekipet e IPK-së janë njoftuar dhe janë nisur për vendngjarje për të parë rrethanat e ngjarjes”, ka deklaruar Hodaj.
Për rastin kanë folur edhe nga Prokuroria Themelore e Ferizajt.
Prokuroria në Ferizaj e ka konfirmuar se i vrari në dasmën në fshatin Bibaj të Ferizajt është një 89 vjeçar.
Zëdhënësja e Prokurorisë Themelore të Ferizajt, Vjosa Baftiu ka thënë për gazetën online Reporteri.net se i vrari është i lindur në vitin 1935.
Sipas saj, i dyshuari për vrasjen, një zyrtar policor është ndaluar për 48 orë.
“Motivet ende nuk dihen”, tha Baftiu./
