Gerard Pique është në telashe me ligjin dhe po përballet me drejtësinë spanjolle. Ish-futbollisti i Barcelonës u thirr për të dëshmuar si i dyshuar për përfshirjen e tij në negociatat që çuan në transferimin e Superkupës së Spanjës në Arabinë Saudite.
Ai ka dëshmuar në gjykatë në kuadër të procesit gjyqësor, ku rezulton se kompania e tij, Kosmos, ka ndërmjetësuar për kalimin e ngjarjes, ndërsa vetë ai akuzohet për mashtrim dhe korrupsion. Pavarësisht pamjeve të Piques duke dalë nga salla e gjyqit i buzëqeshur dhe me humor të mirë, sjellja e tij brenda sallës së gjyqit ishte ndryshe.
Sipas mediave spanjolle, futbollisti ka shpërthyer në lot. Në fakt, në bazë të asaj që raportojnë spanjollët, ai i tha gjyqtarit: “Ti nuk e di sa më dhemb kjo”. “Në një vend tjetër, unë do të kisha një statujë.”
Në këtë rast janë përfshirë edhe ish-presidentët e Federatës Spanjolle të Futbollit, Luis Rubiales dhe Pedro Rocha. Kompania e Pique thuhet se ka marrë komisione prej më shumë se 10 milionë euro për kontratat.
