Presidenti i Serbisë, Aleksandar Vuçiq, deklaroi se plani i Bashkimit Evropian për kufizimin e eksportit të vaksinave kundër koronavirusit mund të rrezikojë programin e vaksinimit në Serbi, përcjell Kosova Post.
“Si mund ta bëjnë këtë? Unë mendoj se ata nuk e duan atë sepse do të ishte e pabesueshme. Të gjithë në Serbi do të ishin të zemëruar,” tha Vuçiq në një intervistë Në gazetën britanike Financial Times.
Tutje Vuçiq deklaron për gazetën se Serbia është vendi i parë në Evropë që përdor vaksinën kineze Sinofarm dhe ka përdorur qindra mijëra doza të vaksinës ruse Sputnik V, por gjithashtu një kontingjent të ri të vaksinës Pfizer- Biontek në prill .
“Ne kemi paguar tashmë për vaksinat e Pfizer dhe kemi një marrëveshje për këstet. Pfizer tashmë ka marrë këstin. Unë nuk mund ta kuptoj se si do të veprojmë derisa kemi paguar dhe kemi marrëveshjen për dorëzim” tha Vuçiq.
Nëse vaksinat Pfizer dhe një milion doza të tjera të Sinofarm arrijnë muajin tjetër, Vuçiq parashikon që 2.2 milion, ose 37 përqind e banorëve të rritur, do të vaksinohen plotësisht në Prill.
“Unë do të vaksinoj të gjithë kombin,” tha Vuçiq.
Vuçiq, gjithashtu ka hedhur poshtë kritikat rreth “turizmit të vaksinave”, duke deklaruar se Serbia u jep vaksina të gjithëve falas.
“Ne duhet të jemi të dobishëm dhe të mbështesim të gjithë të tjerët, sepse edhe nëse jemi të mirë në procesin e vaksinimit, nuk do të thotë se do të jemi të mirë dhe të sigurt nëse nuk ka njerëz në rajon,” tha Vuçiq.
Tutje gazeta britanike thekson se Vuçiçq ka kontroll të fortë mbi shtetin, se partia e tij ka shumicën në parlament dhe meqë ka pretendime për t’u bërë anëtare e BE, mban lidhje të forta me Rusinë dhe Kinën, shkruan portali alo.
Vuçiq, ka thën për gazetën britanike se nuk kishte presion për të importuar vaksinën kineze Sinofarm.
“Unë nuk isha i verbër, siç mund të thonë disa njerëz,” tha Vuçiq, duke shtuar se ai personalisht i ishte drejtuar Presidentit Kinez Xi Jinping./Kosova Post/