Renato Veiga është gjithnjë e më afër Juventusit: pasi janë përcaktuar termat e marrëveshjes, huazim i thjeshtë për 4.5 milionë euro (përfshirë koston e operacionit, pagën e lojtarit dhe komisionet), klubi bardhezi ka përfunduar shkëmbimin e dokumenteve me Chelsea-n, hap ky i nevojshëm për të miratuar nisjen e mbrojtësit drejt Torinos, ku pritet të zbresë të dielën.
I lindur në vitin 2003, portugezi iu bashkua londinezwve nga Benfica dhe deri më tani ka luajtur 18 ndeshje, duke shënuar 2 gola dhe dhënë një asist. Chelsea ka shumë besim tek ai për të ardhmen, dhe për këtë arsye e ka lejuar të largohet vetëm në formë huazimi.
Veiga është një mbrojtës atipik, pasi mund të mbulojë disa role: në fillim të karrierës ka luajtur si mesfushor mbrojtës përpara mbrojtjes, më pas ka kaluar në qendër të mbrojtjes, por mund të luajë gjithashtu si mbrojtës i majtë ose si pjesë e një mbrojtjeje me tre lojtarë. Me një gjatësi prej 190 cm dhe një trup të fuqishëm, ai mund të jetë gjithashtu vdekjeprurës në goditjet standarde ofensive.
Giuntoli nuk ndalet këtu me punën për përforcimet në mbrojtje: ai dëshiron t’i sjellë Thiago Mottës një tjetër mbrojtës. Ëndrra është Hancko, por Feyenoordi nuk po lëshon terren.
Sipas Alfredo Pedullà-s, orët e fundit janë zhvilluar kontakte të reja për Todibo. Francezi ishte afër Juventusit këtë verë, por më pas zgjodhi të bashkohej me West Ham-in. Tani, ai dëshiron me forcë kalimin tek Juventusi, që ndërkohë ka pezulluar ndjekjen e pistave të tjera (duke përfshirë Kelly të Newcastle).s.n.
