Policia e Kosovës bën të ditur se ka kryer bastisje në fshatin Rudar i Madh në Zveçan.
Gjatë kontrollit, policia ka gjetur disa armë, dy maska të ushtrisë, dy palerina për shi e të tjera.
“Fsh. Rudar i Madhë, Zveçan 30.07.2024 – 15:57. Gjatë bastisjes në shtëpinë e të dyshuarit mashkull kosovar janë gjetur dhe konfiskuar: një pushkë ajrore me municion, një AK 47, një pistoletë me dy karikatorë, 10 fishekë kal.7.62 mm, 9 fishekë kal.9 mm, një rigë me gjashtë copa dhe një me tetë copa, dy maska të ushtrisë, dy pelerina për shi dhe dy thasë për fjete. Lidhur me rastin është intervistuar i dyshuari dhe me urdhër të prokurorit lirohet në procedurë të rregullt”, thuhet në raportin 24 orësh të Policisë së Kosovës.
