Kryeministri i Kosovës, Albin Kurti, më 21.09.2026 është takuar me presidentin e Turqisë, Recep Tayyip Erdogan, në New York, ku po qëndrojnë për sesionin e 81-të të Asamblesë së Përgjithshme të Kombeve të Bashkuara.
Takimi mes Kurtit dhe Erdogan është zhvilluar në “Shtëpinë Turke”.
Sipas njoftimit të Presidencës turke, në takim kanë marrë pjesë edhe ministri i Jashtëm i Turqisë, Hakan Fidan, dhe ministri i Tregtisë, Ömer Bolat.
Në njoftim nuk janë dhënë detaje të tjera lidhur me takimin.
Kryeministri i Kosovës, Albin Kurti, ka udhëtuar të premten, më 18.09.2026, për në New York të Shteteve të Bashkuara të Amerikës.
Qeveria e Kosovës ka njoftuar se Kurti do të zhvillojë takime me liderë botërorë në kuadër të Javës së Nivelit të Lartë të Sesionit të 81-të të Asamblesë së Përgjithshme të Kombeve të Bashkuara.
