Presidentja e Kosovës, Vjosa Osmani, ka pritur sot në takim zyrtar Presidentin e Letonisë, Edgars Rinkēvičs, i cili ka ardhur për vizitë në Kosovë. Pas takimit, dy presidentët kanë dalë në një konferencë të përbashkët për media, raporton Gazeta Sinjali.
Presidenti i Letonisë e ka falënderuar Osmanin për mikrpriten, si dhe ka thënë se është shumë e rëndësishme që sot ka ardhur ta vizitojë Kosovën.
Ai ka shprehur mbështetjen e Letonisë për intergrimin e Kosovës në KiE.
“Letonia e mbështet plotësisht integrimin e Kosovës në organizatat ndërkombëtare, e keni mbështetjen tonë të plotë për anëtarësimin në Këshillin e Evropës, gjithmonë ju kemi mbështetur dhe besojmë që ky anëtarësim mund ta hap rrugën edhe për organizatat tjer ndërkombëtare. E përsëris mbështetjen e plotë të Letonisë për procesin e Intergimit Evropian të Kosovës”, ka potencuar Rinkēvičs.
Ai po ashtu ka thënë se duhet të normalizohen raportet Kosovë – Serbi.
“Qëndrimi i vendit tim është që Bashkimi Evropian duhet t’i heqë masat ndaj Kosovës. Ne po ashtu mbështesim normalizimin e plotë të marrëdhënieve mes Beogradit dhe Prishtinës, vazhdimin e dialogut sepse besojmë që kjo do të jetë një mënyrë e mirë për ta përmirësuar stabilitetin dhe sigurinë në rajon, në një afat më të gjatë”, ka theksuar presidenti i Letonisë.
Mes tjerasg, ai ka thënë se Letonia është e gatshme të ofrojë ekspertizën e tyre në Kosovë sa i përket sektorit gjyqësor, administratës publike dhe sektorëve tjera.
