Serbia dhe Bosnja e Hercegovina nuk figurojnë në agjendën e turneut ballkanik të presidentes së Komisionit Evropian Ursula von der Leyen.
“Gjatë këtij turneu, presidentja von der Leyen do të vizitojë Tiranën, Prishtinën, Podgoricën dhe Shkupin. Atje, ajo do të takohet me krerët e shteteve dhe qeverive dhe do të vizitojë projekte të financuara nga Bashkimi Evropian. Duke pasur parasysh zgjedhjet e ardhshme parlamentare dhe të përgjithshme në Bosnjë e Hercegovinë dhe në Serbi, presidentja synon t’i vizitojë këto vende në një datë të mëvonshme”, tha Ariana Podesta – zëdhënëse e KE-së.
Merret vesh jozyrtarisht se zgjedhjet nuk janë arsyeja e vetme për evitimin e këtyre dy shteteve, por edhe glorifikimi i bërë i figurës së Ratko Mlladiqit me rastin e vdekjes së tij.
Vizitën në katër vende të rajonit, von der Leyen do ta zhvillojë nga 30 shtatori deri më 2 tetor. Gjatë takimeve, ajo do të përqendrohet në hapat e ardhshëm në rrugëtimin e partnerëve drejt BE-së.
Ky do të jetë turneu i gjashtë ballkanik i shefes së Komisionit Evropian, i cili tashmë është shndërruar në një traditë.
