Një grup grekësh qipriotë protestuan sot kundër vizitës së presidentit izraelit Isaac Herzog, transmeton Anadolu.
Protestuesit u mblodhën përpara pallatit presidencial në Lefkosha, ku Herzog ishte planifikuar të takohej me presidentin Nikos Christodoulides, duke mbajtur pankarta që kritikonin Izraelin dhe administratën e tyre dhe duke valëvitur flamujt palestinezë, raportoi e përditshmja Phileleftoris.
Protestuesit mbanin pankarta që deklaronin Herzogun “të padëshiruar” në Qipron Greke dhe brohoritnin slogane si “Stop gjenocidit”, “Rroftë miqësia e popujve” dhe “Jo luftërave imperialiste”.
Melanie Stelios, një protestuese që iu drejtua turmës, tha se Herzog nuk është i mirëpritur.
“Christodoulides dhe qeveria e tij do të gjykohen si bashkëpunëtorë me shtetin fashist, gjenocidal të Izraelit dhe për qëndrimin në anën e gabuar të historisë”, ka thënë ajo.
Ushtria izraelite ka vazhduar luftën gjenocidale në Gaza, duke vrarë mbi 46.000 njerëz, kryesisht gra dhe fëmijë, që nga 7 tetori 2023, pavarësisht nga një rezolutë e Këshillit të Sigurimit të OKB-së që bën thirrje për armëpushim të menjëhershëm.
Në nëntor 2024, Gjykata Ndërkombëtare Penale lëshoi urdhra arresti për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën e tij në enklavën palestineze.
