Komuna e Prishtinës kanë njoftuar se nga nesër deri më 27 prill do të ketë kufizim të qarkullimit në rrugën “Agim Ramadani”.
Njëri segment i kësaj rruge do të mbyllet për shkak të punimeve rehabilituese që janë të domosdoshme pas dëmtimeve të shkaktuara nga automjetet me peshë të rëndë, thuhet në njoftimin e Komunës.
Ditët e javës do të punohet gjatë natës, ndërkaq në vikend gjatë gjithë ditës. Gjatë kohës së punimeve priten vështirësi në qarkullim në këtë segment rrugor, andaj nga Komuna rekomandojnë përdorimin e rrugëve alternative.
