Qendra Kryesore e Mjekësisë Familjare “Dr. Nagip Rexhepi” në Gjilan është pajisur me ultrazë modern dhe pajisje të reja mjekësore për shërbimet e urgjencës.
Pajisjet, me vlerë mbi 41 mijë euro, janë siguruar pas arritjes së dy marrëveshjeve të mirëkuptimit mes Komunës së Gjilanit dhe projektit “Kujdesi Shëndetësor i Qasshëm dhe Cilësor” (AQH). Nga kjo shumë, Komuna ka kontribuar me 20 për qind, ndërsa AQH me 80 për qind.
Sipas autoriteteve lokale, investimi pritet të përmirësojë ndjeshëm cilësinë e shërbimeve shëndetësore dhe të krijojë kushte më të mira për pacientët.
Punonjësit shëndetësorë të QKMF-së kanë shprehur mirënjohje për kontributin e vazhdueshëm të Komunës së Gjilanit dhe projektit AQH në fuqizimin e kujdesit shëndetësor në komunitet.
