Sheikhu Abdullah bin Zayed Al Nahyan, zëvendëskryeministër dhe ministër i Punëve të Jashtme të Emirateve të Bashkuara Arabe (UAE) ka zhvilluar një bisedë telefonike me Sekretarin e Shtetit të SHBA-së, Marco Rubio, për të diskutuar zhvillimet më të fundit në Lindjen e Mesme.
Sipas një deklarate zyrtare të Ministrisë së Punëve të Jashtme të UAE-së, dy diplomatët rishikuan pasojat e sulmeve me raketa iraniane të paprovokuara dhe terroriste që kanë synuar Emiratet e Bashkuara Arabe dhe disa vende të tjera të rajonit.
Ata theksuan ndikimin e këtyre sulmeve në paqen dhe sigurinë ndërkombëtare, furnizimet me energji, sigurinë detare dhe stabilitetin ekonomik global.
Sheikhu Abdullah bin Zayed shprehu mirënjohje të thellë ndaj Shteteve të Bashkuara për solidaritetin e plotë me Emiratet pas agresionit iranian.
Dy zyrtarët diskutuan gjithashtu përparimet e fundit në rajon, duke përfshirë njoftimin e Presidentit amerikan Donald Trump për armëpushim midis SHBA-së dhe Iranit.
“Palët eksploruan rrugët për të arritur një paqe dhe siguri të qëndrueshme rajonale nëpërmjet veprimeve të forcuara kolektive, për të adresuar sfidat aktuale dhe për të mbështetur stabilitetin dhe prosperitetin në rajon”, thuhet në deklaratën e Emirateve.
Ky telefonatë vjen në një moment kyç pas periudhës së tensionit të lartë në Lindjen e Mesme, ku sulmet iraniane kanë shkaktuar shqetësime të mëdha për sigurinë e vendeve të Gjirit, furnizimet energjetike dhe tregtinë ndërkombëtare.
Deri tani, Departamenti i Shtetit i SHBA-së nuk ka lëshuar ende një deklaratë të detajuar për bisedën, por burime perëndimore për mediat konfirmojnë se Rubio ka ripohuar angazhimin e Uashingtonit për sigurinë e Emirateve të Bashkuara Arabe./rtsh
