Rusia ka lëshuar tetë raketa balistike në Kiev herët të hënën, e që të gjitha janë rrëzuar, kanë bërë të ditur Forcat Ajrore të Ukrainës.
Sulmi ka lënë 120 familje në qytet pa energji elektrike. Dimrin e kaluar, trupat ruse synonin qëllimisht sistemin energjetik të Ukrainës, duke shkaktuar ndërprerje të energjisë elektrike në të gjithë vendin.
Gjatë fundjavës, Ministria e Mbrojtjes e Mbretërisë së Bashkuar vuri në dukje se Rusia javën e kaluar përdori flotën e saj bombarduese për herë të parë që nga shtatori.
Ministria ka parashikuar fillimin e një ofensive më të bashkërenduar që synon degradimin e infrastrukturës energjetike të Ukrainës me fillimin e dimrit. Kievi është në shënjestër rutinore nga sulmet me dronë dhe raketa ruse.
