John Ratcliffe ka marrë detyrën si drejtori i ri i CIA-s, agjencisë kryesore të inteligjencës së Shteteve të Bashkuara, një ngjarje që Shtëpia e Bardhë e cilëson si një hap të rëndësishëm për avancimin e sigurisë kombëtare. Betimi u zhvillua me prezencën e zëvendëspresidentit James David Vance.
Nominimi i Ratcliffe u miratua nga Senati më 23 janar, me 74 vota pro dhe 25 kundër dhe ky ishte emërimi i dytë i Presidentit Trump që mori mbështetje nga Senati, pas atij të Marco Rubios si sekretar i Mbrojtjes.
Ratcliffe, i cili ka shërbyer si drejtor i inteligjencës kombëtare gjatë mandatit të parë të Trump, është i pari që ka pasur këtë pozitë dhe më pas është emëruar në krye të CIA-s. Ai është një republikani nga Teksasi dhe një ish-prokuror federal, i njohur për mbështetjen e tij të fuqishme ndaj Trump gjatë procesit të shkarkimit të tij të parë.
Pas betimit, Ratcliffe theksoi nevojën për përmirësimin e përdorimit të teknologjive moderne, si inteligjenca artificiale, për të përballuar kërcënimet nga shtete si Rusia dhe Kina. Ai gjithashtu theksoi rëndësinë e forcimit të aftësive të inteligjencës amerikane, duke siguruar mbrojtjen e të drejtave civile të qytetarëve të SHBA./abcnews.al
