SHBA-ja ka vendosur tarifa të reja ndaj 60 partnerëve tregtarë, në përshkallëzimin më të fundit të luftës tregtare të rinisur nga presidenti amerikan Donald Trump pas rikthimit të tij në detyrë vitin e kaluar.
Palët e prekura, përfshirë Mbretërinë e Bashkuar, Kinën dhe Bashkimin Evropian, do të përballen me një tarifë prej 10% deri në 12,5% për të gjitha mallrat, të cilat përbëjnë pothuajse të gjitha importet amerikane, shkruan BBC, transmeton klankosova.tv.
Këto tarifa, të cilat zëvendësojnë një masë identike që skadon të premten, bazohen në pretendimet se partnerët kryesorë ekonomikë nuk kanë arritur ta trajtojnë siç duhet çështjen e punës së detyruar.
Megjithatë, ekspertja amerikane e tregtisë, Caroline Freund, deklaroi se ky veprim “nuk ka të bëjë me punën e detyruar”, por se Trump thjesht “po kërkon një arsye ligjore për të vendosur tarifat”.
