Ka përfunduar takimi ndërmjet kryetarit të Lëvizjes Vetëvendosje, Albin Kurti dhe kreut të Lidhjes Demokratike të Kosovës, Lumir Abdixhiku.
As ky takim, nuk ka sjellë marrëveshje ndërmjet dy partive, kur kanë mbetur pak orë deri te seanca konstituive e Kuvendit të Kosovës, e cila do të mbahet nesër nga ora 10:00.
Pas takimit, Kurti ka deklaruar se nuk ka marrëveshje.
“Nuk kemi lajme, përderisa nuk kemi marrëveshje”, ka thënë Kurti.
Megjithëse, nuk ishte paralajmëruar një takim i tyre sot, Klankosova.tv raportoi më parë se megjithatë ata do të takoheshin gjatë ditës.
