Kryeministri i Britanisë së Madhe, Keir Starmer, ka thënë se duhet të sigurohen që armëpushimi mes Izraelit dhe Iranit duhet të respektohet.
Sipas tij, kjo mundësi duhet të shfrytëzohet për stabilizuar rajonin – dhe për ta sjellë Iranin në tryezën e negociatave me SHBA-në.
Ai theksoi se kjo është mënyra se si “ne do të sigurojmë” një fund të plotë të programit bërthamor të Iranit.
Kryeministri i drejtohet Ukrainës, duke u zotuar të mos “humbë fokusin” në luftën me Rusinë – dhe “kërcënimet në rritje për sigurinë euroatlantike”.
Ai thotë: “Përballë këtyre kërcënimeve, kam argumentuar prej kohësh se ky është momenti për t’u bashkuar që Evropa të bëjë një ndryshim themelor në qëndrimin e saj dhe që NATO të përballet me këtë sfidë ballë për ballë. Dhe kjo është ajo që kemi bërë sot, me Mbretërinë e Bashkuar në ballë.”
“Aleatët e NATO-s kanë rënë dakord për një premtim të ri për investime në mbrojtje, duke rritur shpenzimet e mbrojtjes dhe sigurisë në 5% të GD-së deri në vitin 2035, duke e bërë NATO-n më të fortë”.
Starmer përcaktoi një afat kohor për këtë objektiv prej 5%, me aleatët që bien dakord ta “rishikojnë këtë premtim në vitin 2029”.
“Strategjia e re e Sigurisë Kombëtare përcakton planet dhe prioritetet tona në këto fusha”, thotë Starmer, duke iu referuar rishikimit të publikuar dje që paralajmëroi se Mbretëria e Bashkuar duhet të përgatitet për një skenar lufte.
“Sipas përkufizimeve të reja të NATO-s, ne vlerësojmë se do të arrijmë të paktën 4.1% të GPD-së në vitin 2027”, thotë ai.
Starmer ka thënë më parë se Mbretëria e Bashkuar do të shpenzojë 2.5% të GDP-së për mbrojtje, sipas përkufizimit tradicional, deri në atë vit, shkruan Skynews, transmeton Klankosova.tv.
