Një sulm ajror izraelit në një shkollë të OKB-së të mbushur me palestinezë të zhvendosur në qendër të Gazës raportohet se ka vrarë të paktën 35 persona.
Raportohet se një avion luftarak ka qëlluar në klasat në katin e fundit të shkollës, shkruan BBC, transmeton kk.
Ushtria izraelite tha se kishte “kryer një sulm të saktë në një kompleks të Hamasit” në shkollë dhe vrau shumë nga 20 deri në 30 luftëtarët që besonte se ishin brenda.
Zyra e Mediave e Qeverisë së Gazës, e drejtuar nga Hamasi mohoi pretendimin dhe akuzoi Izraelin për kryerjen, siç e konsideruan ata të një “masakre të tmerrshme”.
Ndërkaq, kreu i agjencisë së OKB-së për refugjatët palestinezë e përshkroi incidentin si të tmerrshëm.
