Sipas burimeve evropiane, Trump e përdori takimin në Shtëpinë e Bardhë për të shprehur zemërimin për refuzimin e disa vendeve evropiane për të marrë pjesë në operacionin kundër Iranit.
Një zyrtar evropian tha se biseda “shkoi tmerrshëm” dhe u shoqërua me fyerje, ndërsa Trump thuhet se kërcënoi me “masa të ndryshme”, pa dhënë detaje konkrete.
Megjithatë, një zyrtar i Shtëpisë së Bardhë mohoi se Trump ka paraqitur kërkesa ndaj NATO-s, duke thënë se ai nuk ka pritshmëri aktuale nga aleanca.
Sipas tij, NATO “nuk e kaloi testin”, por SHBA nuk ka bërë kërkesa zyrtare, ndërsa vendet evropiane përfitojnë më shumë nga lundrimi në Hormuz sesa SHBA-ja.
Pas takimit, Trump kritikoi publikisht aleatët e NATO-s, ndërsa zyrtarë të aleancës e përshkruan bisedën si të hapur dhe konstruktive, pavarësisht tensioneve.
Ndërkohë, diskutimet brenda NATO-s për veprime konkrete në lidhje me Ngushticën e Hormuzit mbeten në fazë të hershme, ndërsa aleatët theksojnë se çdo veprim do të varet nga përfundimi i konfliktit në rajon.
