Presidentja Vjosa Osmani, me ftesë të Presidentit të ShBA-së, Donald Trump ka udhëtuar për në Washington D.C. për të marrë pjesë në Takimin Inaugurues të Bordit të Paqes, krahas disa liderëve botërorë.
Sot, pritet të mbahet takimi inagurues i Bordit të Paqes, me pjesëmarrjen e disa vendeve, por që Kosova dhe Shqipëria tashmë kanë konfirmuar prezencën e tyre, raporton Klankosvova.tv.
Osmani e ka vlerësuar përfshirjen e Kosovës në Bordin e Paqes, si vend anëtar dhe bashkëthemelues, si një nga zhvillimet më të rëndësishme të politikës së jashtme të vendit në vitet e fundit, duke theksuar se ky hap e fuqizon drejtpërdrejt subjektivitetin ndërkombëtar të Kosovës.
“Republika e Kosovës mbetet e përkushtuar të punojë ngushtë me aleatin tonë kryesor, SHBA-të, dhe me Bordin e Paqes për të sjellë rezultate konkrete, për të mbështetur paqen dhe stabilitetin në rajonet e prekura nga konfliktet dhe për të promovuar një të ardhme të bazuar në bashkëpunim, siguri dhe prosperitet të përbashkët”, ka theksuar e para e shtetit të Kosovës, transmeton Klankosova.tv.
