Të paktën 74 persona kanë humbur jetën si pasojë e një tërmeti të fuqishëm me magnitudë 7.4 që goditi Kolumbinë , sipas të dhënave preliminare nga autoritetet lokale.
Tërmeti ka shkaktuar dëme të mëdha në pjesë të ndryshme të vendit, ndërsa ekipet e emergjencës po vazhdojnë kërkimet dhe operacionet e shpëtimit në zonat më të prekura.
Departamenti i Risaraldës, raportohet të jetë një nga zonat më të goditura. Guvernatori i Risaraldës, Juan Diego Patino, ka bërë të ditur se në këtë rajon janë konfirmuar të paktën 40 viktima, raporton CNN.
Tërmeti është ndier në një pjesë të madhe të Kolumbisë, ndërsa janë raportuar ndërtesa të dëmtuara dhe të shembura, përfshirë në qytete si Pereira, Cali dhe Manizales.
Autoritetet kanë paralajmëruar se bilanci i viktimave mund të ndryshojë, pasi ekipet e shpëtimit janë ende në terren dhe po verifikojnë raportimet nga zonat e prekura.
Tërmeti me magnitudë 7.4 është regjistruar në pjesën perëndimore të Kolumbisë dhe është ndier edhe përtej kufijve të vendit.
