Türkiye ka njoftuar planet për të vendosur tarifa shtesë doganore për motorët me djegie të brendshme dhe makinat hibride të prodhimit kinez, transmeton Anadolu.
Duke iu referuar objektivave të tregtisë së jashtme dhe llogarisë korente të vendit, Ministria e Tregtisë e Türkiyes njoftoi se në një përpjekje për të mbrojtur industrinë vendase, tarifa prej të paktën 7 mijë dollarësh do të jetë 40 për qind e vlerës së importit të çdo automjeti.
Ministria turke tha se tarifa shtesë do të zbatohet së bashku me taksat doganore për mallra të caktuara të importuara nga vendet jo-anëtare të BE-së me të cilat Türkiye nuk ka marrëveshje të tregtisë së lirë.
Po ashtu u njoftua se vendimi për vendosjen e këtyre detyrimeve shtesë doganore është marrë duke marrë parasysh zhvillimet ekonomike dhe tregtare, si dhe nevojat sektoriale.
