Kievi pret që Bashkimi Evropian të përfshijë kompaninë shtetërore ruse të energjisë bërthamore Rosatom në raundin e ardhshëm të sanksioneve për luftën në Ukrainë, ka thënë kryeministri Denys Shmyhal.
Shmyhal tha pas bisedimeve në Kiev me Frans Timmermans, zëvendës-president i Komisionit Evropian ekzekutiv të BE-së, se industria ruse e energjisë bërthamore duhet të ndëshkohet për pushtimin e Ukrainës më shumë se 10 muaj më parë.
Rusia ka pushtuar stacionin e energjisë bërthamore të Zaporizhzhia në Ukrainën juglindore që nga marsi i kaluar dhe presidenti Vladimir Putin nxori një dekret tetorin e kaluar duke transferuar kontrollin e centralit nga kompania ukrainase e energjisë bërthamore Energoatom në një filial të Rosatom. Kievi thotë se masa përbën vjedhje.
