Gjatë natës një sulm masiv me dronë u krye në disa rajone anembanë Rusisë, por Moska dhe Shën Petersburgu u shënjestruan gjithashtu.
Sipas informacioneve të para, sulmet shkaktuan zjarre në anije në portin e Primorskut dhe në uzinën e Lukoil në Smolensk, shkruan Kyiv Independent.
Për shkak të kërcënimit të dronëve, Aeroporti Pulkovo i Shën Petersburgut u mbyll përkohësisht, duke rezultuar në vonesën ose anulimin e gati 50 fluturimeve.
Kryeqyteti rus ishte gjithashtu në shënjestër.
Një valë e re dronësh ka goditur gjithashtu qytetin rus të Smolenskut.
Banorët raportuan shpërthime, dhe pamjet në rrjete sociale tregonin një zjarr në një objekt të afërt të Lukoil, me tym të dendur dhe flakë që ngriheshin.
