Lëvizja Vetëvendosje ka planifikuar një buxhet prej mbi 1 miliard eurosh për forcimin e ushtrisë në katër vitet e ardhshme, shkruan KosovaPost.
Kandidati për deputet i VV-së, Ejup Maqedonci, ka theksuar në një videomesazh të publikuar në Facebook se, përveç këtij buxheti, do të rritet edhe prodhimi vendor për nevojat e ushtrisë.
Ai gjithashtu ka nënvizuar rëndësinë e bashkëpunimit të thelluar me shtetet anëtare të NATO-s, duke i dhënë një prioritet të veçantë lidhjeve me Shqipërinë.
Maqedonci përmendi gjithashtu funksionalizimin e fabrikës së dronve./KosovaPost/
