Deputeti i Kuvendit të Republikës së Kosovës nga radhë e Lëvizjes Vetëvendosje, Adnan Rrustemi ka prezantuar të dhëna, të cilat dëshmojnë se presidenti i Serbisë, Aleksandar Vuçiq, personalisht është kuplola e grupit terrorist, që kreu sulmin më 24 shtator në Banjskë, transmeton Kosova Post.
Ligjvënsi Rrustemi, përmes një postim në Facebook, ka publikuar një video që sipas tij tregon që Vuçiq ka lidhje direkte e personale me këta persona.
Postimi i plotë:
Vuçiq njihet personalisht me kokat e grupit terrorist që kreu sulmin e 24 shtatorit në Banjskë
Me 13 tetor 2021, disa serbë kishin shkruar t’i rrefehesin Vuçiqit për kinse terrorin që Qeveria e Kosovës po i bënte atyre. Ndër ta që u rrëfyen ishte edhe Vladimir Radojevic i njohur me nofkën “Mami’’.
Në videon më poshtë shihni momentin pasi flet ‘’Mami’’ (personi me flokë të gjata) flet një tjetër person, atij Vuçiq i kërkon të prezentohet. Atë (Mamin) e njoh, ndërkaq këtë jo, thotë Vuçiq.
Çka tregon se ai ka lidhje direkte e personale me këta individë.
‘’Mami’’ përveçse i njohur gjatë gjithë këtyre viteve për luftimin që i ka bërë rendit juridik dhe kushtetues në veri, në sulmin terrorist në Banjskë i është gjetur telefoni i tij mu në vendin ku është ekzekutuar shpërthimi i minës që la të vdekur heroin, policin e Kosovës, Afrim Bunjaku.
